ਜੇਹਾ ਭਾਉ ਤੇਹਾ ਫਲੁ ਪਾਈਐ - ਗੁਰੂ ਨਾਨਕ ਪਾਤਸ਼ਾਹ ਦਾ ਸੁਭਾਅ
ਬਾਬਾ ਨੰਦ ਸਿੰਘ ਸਾਹਿਬ ਦੇ ਚਰਨਾਂ ਵਿੱਚ, ਉਨ੍ਹਾਂ ਦੇ ਚਰਨ ਕਮਲਾਂ ਵਿੱਚ ਇਲਾਹੀ ਆਨੰਦ ਮਾਣਿਆ, ਉਨ੍ਹਾਂ ਦੇ ਅਨਮੋਲ ਬਚਨ ਸੁਣੇ।
ਇੱਕ ਦਫਾ ਬਾਬਾ ਨੰਦ ਸਿੰਘ ਸਾਹਿਬ ਸੰਗਤ ਵਿੱਚ ਬਿਰਾਜਮਾਨ ਸਨ। ਜਿਸ ਵਕਤ ਕੀਰਤਨ ਦਾ ਭੋਗ ਪਿਆ, ਬਾਬਾ ਨੰਦ ਸਿੰਘ ਸਾਹਿਬ ਨੇ ਆਪਣੇ ਪਾਵਨ ਨੇਤਰ ਖੋਲ੍ਹੇ ਚਾਰੇ ਪਾਸੇ ਵੇਖਿਆ, ਨੇਤਰ ਜਿਸ ਤਰ੍ਹਾਂ ਅੰਮ੍ਰਿਤ ਦੇ ਸੋਮੇ ਹੁੰਦੇ ਹਨ ਅੰਮ੍ਰਿਤ ਵਗਿਆ, ਚਾਰੋਂ ਪਾਸੇ ਇੱਕ ਆਨੰਦਮਈ ਵਾਤਾਵਰਣ ਛਾ ਗਿਆ,
ਸਾਹਿਬ ਨੇ ਕੁੱਝ ਸਰਦਾਰ ਦੇਖੇ ਜਿਹੜੇ ਰਾਗੀ ਸਿੰਘਾਂ ਦੇ ਪਿੱਛੇ ਬੈਠੇ ਸੀ, ਨਵੇਂ ਸਨ ਪਹਿਲੀ ਵਾਰੀ ਆਏ ਸਨ। ਸਾਹਿਬ ਬੜੇ ਪਿਆਰ ਨਾਲ ਪੁੱਛਦੇ ਹਨ-
ਕਿੱਥੇ ਜਾਣਾ ਪਸੰਦ ਕਰੋਗੇ, ਕਿੱਥੇ ਰਹਿਣਾ ਪਸੰਦ ਕਰੋਗੇ ?
ਉਹ ਸਮਝੇ ਨਹੀਂ ਬਾਬਾ ਜੀ ਨੇ ਇਹ ਬਚਨ ਦੋਹਰਾਇਆ- ਕਿਥੇ ਜਾਣਾ ਪਸੰਦ ਕਰੋਗੇ, ਕਿਥੇ ਰਹਿਣਾ ਪਸੰਦ ਕਰੋਗੇ?
ਇੱਕ ਨਿੱਕਟੀ ਸੰਗੀ ਨੇ ਹੱਥ ਜੋੜ ਕੇ ਕਿਹਾ- ਗਰੀਬ ਨਿਵਾਜ਼ ਆਪ ਹੀ ਮਿਹਰ ਕਰੋ।
ਬਾਬਾ ਜੀ ਅੱਗੋ ਫੁਰਮਾਉਂਦੇ ਹਨ-
ਹੁਣ ਸਾਰਿਆ ਨੇ ਹੱਥ ਜੋੜ ਕੇ ਕਿਹਾ- ਜੀ ਗਰੀਬ ਨਿਵਾਜ਼।
ਬਾਬਾ ਨੰਦ ਸਿੰਘ ਸਾਹਿਬ ਨੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵੱਲ ਇਸ਼ਾਰਾ ਕਰਦੇ ਹੋਏ ਕਿਹਾ-
ਇੱਕ ਗੁੱਝੀ ਸੋਝੀ ਪਾ ਰਹੇ ਹਨ ਬਾਬਾ ਨੰਦ ਸਿੰਘ ਸਾਹਿਬ। ਫਿਰ ਦੱਸ ਕੀ ਰਹੇ ਹਨ-
- ਜੇ ਕੋਈ ਕੱਮੀ ਆ ਜਾਏ ਜ਼ਮੀਨ ਤੋਂ ਕਿਸੇ ਦਾ ਕੋਈ ਨੌਕਰ ਠਕਤਤ.ਪਕ (ਸੁਨੇਹਾ) ਲੈ ਕੇ ਆ ਜਾਏ ਦੂਰੋਂ, ਉਸ ਨੂੰ ਨੌਕਰਾਂ ਦੇ ਕਮਰੇ ਵਿੱਚ ਨੌਕਰਾਂ ਨਾਲ ਰੱਖ ਦਿੱਦੇ ਹਨ। ਉੱਥੇ ਹੀ ਉਸਨੂੰ ਰੋਟੀ ਦਾ ਥਾਲ ਚਲਾ ਜਾਂਦਾ ਹੈ।
- ਜੇ ਕੋਈ ਬਰਾਬਰ ਦਾ ਮਿੱਤਰ ਆ ਜਾਏ ਰਿਸ਼ਤੇਦਾਰ ਆ ਜਾਏ ਉਸ ਨੂੰ ਬਰਾਬਰ ਦਾ ਦਰਜਾ ਦਿੰਦੇ ਹਨ। ਉਸ ਨੂੰ ਆਪਣੇ ਹਿਸਾਬ ਦੇ ਨਾਲ ਜਿਸ ਤਰ੍ਹਾਂ ਆਪ ਰਹਿੰਦੇ ਹਨ ਉਸੇ ਤਰ੍ਹਾਂ ਉਸ ਨੂੰ ਰੱਖਦੇ ਹਨ। ਆਪਣੇ ਨਾਲ ਪਰਸ਼ਾਦਾ ਛਕਾਉਂਦੇ ਹਨ ਅਤੇ
- ਜੇ ਕੋਈ ਬਹੁਤ ਵੱਡਾ ਅਫਸਰ ਆਉਣਾ ਹੋਵੈ ਜਾਂ ਕੋਈ ਅਤਿ ਸਤਿਕਾਰ ਵਾਲਾ ਬਜੁਰਗ ਆ ਰਿਹਾ ਹੋਵੇ ਉਸ ਦੇ ਰਿਹਾਇਸ਼ ਵਾਸਤੇ, ਉਸ ਦੇ ਇਸਤੇਮਾਲ ਵਾਸਤੇ, ਉਸ ਦੇ ਪ੍ਰਸ਼ਾਦੇ ਵਾਸਤੇ special ਬੰਦੇਬਸਤ ਕੀਤੇ ਜਾਂਦੇ ਹਨ।
ਬਾਬਾ ਨੰਦ ਸਿੰਘ ਸਾਹਿਬ ਫੁਰਮਾਉਂਣ ਲੱਗੇ-
- ਕਈਆਂ ਨੇ ਤਾਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ Servant Quarters ਵਿੱਚ ਅਸਥਾਨ ਦਿੱਤਾ ਹੈ, ਕਈਆਂ ਨੇ ਗੈਰਾਜਾਂ ਵਿੱਚ ਰੱਖਿਆ ਹੋਇਆ ਹੈ, ਕਈਆਂ ਨੇ Store rooms (ਸਟੋਰ ਰੂਮ) ਵਿੱਚ ਜਿੱਥੇ ਹੋਰ ਕੋਈ ਚੀਜ਼ ਨਹੀਂ ਰੱਖੀ ਜਾ ਸਕਦੀ, ਕੋਈ ਇਸਤੇਮਾਲ ਨਹੀ ਹੈ ਉੱਥੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦਾ ਪ੍ਰਕਾਸ਼ ਕੀਤਾ ਹੈ। ਕਈਆਂ ਨੇ ਪੌੜ੍ਹੀਆਂ ਦੇ ਥੱਲੇ ਉੱਥੇ ਹੀ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦਾ ਪ੍ਰਕਾਸ਼ ਕਰਕੇ ਪੜਦਾ ਲਾ ਦਿੱਤਾ ਹੈ।
- ਕਈ ਐਸੇ ਹਨ ਜਿਹੜੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਬਰਾਬਰ ਦਾ ਦਰਜਾ ਦੇ ਦਿੰਦੇ ਹਨ ਜਿਸ ਤਰ੍ਹਾਂ ਆਪ ਰਹਿੰਦੇ ਹਨ ਉਸੇ ਤਰ੍ਹਾਂ ਹੀ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਰੱਖਦੇ ਹਨ।
- ਪਰ ਕਈ ਐਸੇ ਹਨ ਜਿਹੜੇ ਸਰਬ ਕਲਾ ਸਮਰੱਥ ਗੁਰੂ ਨਾਨਕ ਪਾਤਸ਼ਾਹ ਨੂੰ, ਇਸ ਜਿਉਂਦੇ ਜਾਗਦੇ ਬੋਲਦੇ ਗੁਰੂ ਨਾਨਕ ਨੂੰ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ, ਅਤੀ ਉੱਚਾ ਮਾਲਿਕ ਦਾ ਦਰਜਾ ਦੇ ਕੇ, ਆਪ ਦਾਸਿਆ ਭਾਵ ਨਾਲ ਉਸ ਘਰ ਵਿੱਚ ਰਹਿੰਦੇ ਹਨ।
ਬਾਬਾ ਨੰਦ ਸਿੰਘ ਸਾਹਿਬ ਅੱਗੇ ਫੁਰਮਾਉਣ ਲੱਗੇ-
ਜੋ ਗੁਰੂ ਨੂੰ ਘਰ ਵਿੱਚ ਲਿਆ ਕੇ ਬੇਅਦਬੀ ਕਰਦੇ ਹਨ, Servant Quarters ਵਿੱਚ ਰੱਖਿਆ ਹੈ, ਗੈਰਾਜ ਵਿੱਚ ਰੱਖਿਆ ਹੈ ਕਹਿੰਦੇ ਹਨ ਉਹ ਸਿੱਖ ਤਾਂ ਗੁਰੂ ਦਾ ਹਿਸਾਬ ਜਨਮਾਂ-ਜਨਮਾਂ ਵਿੱਚ ਨਹੀਂ ਦੇ ਸਕਦਾ ਪਰ ਜਿਸ ਨੇ ਬਰਾਬਰ ਦਾ ਦਰਜਾ ਦੇ ਦਿੱਤਾ ਉਹ ਸੋਚਦਾ ਜਿਸ ਤਰ੍ਹਾਂ ਮੈਂ' ਰਹਿ ਰਿਹਾ ਹਾਂ ਉਸੇ ਤਰ੍ਹਾਂ ਹੀ ਆਪਣੇ ਗਰੂ ਨੂੰ ਰੱਖ ਰਿਹਾ ਹਾਂ,
ਫੁਰਮਾਉਂਣ ਲੱਗੇ-
ਇਹ ਤਰੀਕੇ ਦੱਸਦੇ ਹਨ ਬਾਬਾ ਨੰਦ ਸਿੰਘ ਸਾਹਿਬ, ਸੋਝੀ ਪਾ ਰਹੇ ਹਨ।
ਭਾਉ ਪਿਆਰਾ ਲਾਏ ਵਿਰਲਾ ਕੋਇ॥ ਗੁਰ ਕੈ ਦਰਸਨਿ ਸਦਾ ਸੁਖੁ ਹੋਇ॥
ਏਕ ਨਦਰਿ ਕਰਿ ਵੇਖੈ ਸਭ ਊਪਰਿ ਜੇਹਾ ਭਾਉ ਤੇਹਾ ਫਲੁ ਪਾਈਐ॥
ਸਤਿਗੁਰੁ ਪੁਰਖੁ ਦਇਆਲੁ ਹੈ ਜਿਸ ਨੋ ਸਮਤੁ ਸਭੁ ਕੋਇ॥
ਏਕ ਦ੍ਰਿਸਟਿ ਕਰਿ ਦੇਖਦਾ ਮਨ ਭਾਵਨੀ ਤੇ ਸਿਧਿ ਹੋਇ॥
ਸਤਿਗੁਰ ਵਿਚਿ ਅੰਮ੍ਰਿਤ ਹੈ ਹਰਿ ਉਤਮੁ ਹਰਿ ਪਦੁ ਸੋਇ॥
ਨਾਨਕ ਕਿਰਪਾ ਤੇ ਹਰਿ ਧਿਆਈਐ ਗੁਰਮੁਖਿ ਪਾਵੈ ਕੋਇ॥
ਇੱਕ ਦਫਾ ਬਾਬਾ ਨੰਦ ਸਿੰਘ ਸਾਹਿਬ ਨੇ ਫੁਰਮਾਇਆ -
ਗੁਰੂ ਨਾਨਕ ਦਾਤਾ ਬਖਸ਼ ਲੈ। ਬਾਬਾ ਨਾਨਕ ਬਖਸ਼ ਲੈ॥
Comments
Post a Comment